للأخت بنات ماركة

السلام عليكم ورحمة الله و بركاته

عندي مشكله مع زوجي عقب زواجنا بكم من يوم صار يجيه ضيق في الصدر وصداع ومع الايام زادة الحالة لين صار ما يتحمل المسه ولا يطيق يشوفني يقول انه يشوف اني قبيحه تميت وياه 5 شهور وصارحني قاللي سيري بيت اهلج بسير لشيخ يقرأ علي يمكن طليقتي ام عيالي سوتلي سحر وتمينا نتناقش فقال خلاص يمكن ما نكمل ويا بعض ومن شهر 7 انا في بيت اهلي

ابوه خذاه مره للشيخ وقال له انته ما بتتم وياك حرمه إذا ما تعالجت وما سار عقب للشيخ وما يرضى يسير

ومرة رد قال بسير المحكمة،اهله تعبوا وياه يحاولون يقنعونه ما يرد على تلفوناتي ولا على المسجات حتى ابوي يتصل عليه ما يرد

انا حلمت عقب ما طلعت من عنده عقرب ضخم على تراب وشكل العقرب كبير وقديم ورصاصي يحاول يمسكني انا كنت قدامه بس ما يقدر،ومرة حلمت اني واقفه قدام بيت اهلي ورجال كبير في السن لابس ابيض يمشي ناحيتي خفت منه ورجولي كانوا منملين ولكن دخلت البيت وسكرت الباب وكنت اسمعه يكلم نفسه كيف دخلت وانا بأذيها، ومره حلمت اشكال عجيبه يحاولون يأذوني وانا سكرت الباب علي يد واحد منهم والثاني مثلت عليه انه عورني وان يدي ما اعرف أحركها علشان ما يأذيني ،ومرة حلمت ان حرمه تريد تهجم علي و انا ادز الباب و هي تدز علشان تدخل بس انا سكرت الباب وما دخلت، وآخر مرة حلمت ان فمي مليان لعاب وسرت المغسلة اطلع وما يخلص لعاب فيه فقاقيع و ثقيل ولونه رمادي لين انسدت المغسلة وصار يصب على الارض وقمت من الرقاد. ومن فترة بس ما أذكر من متى حلمت اني اطلع اسمنت من فمي وكان كثير وما يخلص

الحين صار لي في بيت اهلي 6 شهور ما اعرف بيطلق او بيتعالج انا قرأت سورة البقرة 40 يوم من شهرين وبعدين ما كنت اقوم الحين من الصبح افتح موقع القرآن على سورة البقرة افكر في بيت زوجي تنفتح سورة البقرة بس امي تقول لي لا تروحين ما يبونج واهله كل واحد مشغول، اساسا طليقته ام عياله بعد ما عرست رسلت له مسج تباركله وبعد شهرين تزوجت وجابت عياله عندنا وتجيب وياهم عطور واكل وخدامتين وزوجي بالغلط اكل من اكلها ويشم العطور وياخذهم حقه يموت على ريحتهم

ما اعرف شو اسوي لين الحين عيالها يسيرون لها كل اسبوع وهي تسوي اللي تريده ومحد يردعها احس اني تايهه وابوي يقول لي شو تنتظرين اقول له مريض اريد اصبر عليه ما اعرف شو اسوي